Wednesday, May 27, 2020

प्रेतनी का मायाजाल Chudail Bhoot Ki Kahani In Hindi

Pretanee Ka Maayaajaal Chudail Bhoot Ki Kahani In Hindi
Pretanee Ka Maayaajaal Chudail Bhoot Ki Kahani In Hindi

Pretanee Ka Maayaajaal Chudail Bhoot Ki Kahani In Hindi Phantom Tale. Bhoot Chudail Photo, Bhutiya Kahani, Bhoot Video, Bhoot Cartoon, Bhootni Chudail, Bhoot Bhoot, Story, Chudel Maa.


प्रेतनी का मायाजाल Pretanee Ka Maayaajaal Phantom Tale

Madhy julaee ka samay aur raat ke kareeb 11 baj rahe honge. Raat kee kaalima ko baadalon kee kaalee ghata ne aur bhee bhayaanak roop se kaalee-kalootee bana diya tha. 

Khair is bhayaavah, sannaatedaar andhiyaaree raat kee paravaah na karate hue gugalee-raadhenagar eksapres apanee tej raphtaar se apane gantavy kee or daudate chalee ja rahee thee. 

Chandoo apanee seet par gaharee nidra mein chala gaya tha par paas vaale saamane kee seet par soe hue bujurg karavaten badal rahe the. 

Unake karavaten badalane ka kaaran yah tha ki unhen agale steshan par utarana tha jo lagabhag aadhe-paun ghante mein aanevaala tha.

Theek 11 bajakar 40 minat par chon-chon karate hue tren rukee. Bujurg ne tejee se chandoo ko hilaakar jagaaya aur kaha ki beta mera steshan aa gaya hai, jara mera saamaan utaravaane mein meree madad kar de. 

Chandoo aankh malate hue evan adhakhule munh se jamhaee lete hue uth baitha aur us bujurg ke seet ke neeche se unakee ataichee evan ek bade baig ko nikaala. 

Phir chandoo ne us bujurg ke saamaan ko tren se neeche utaara. Bujurg ne chandoo ko prashansaneey drshti se dekhane ke bajaay thode udaas man se dekha aur phusaphusaakar bola, “beta jara saavadhaanee baratana kyonki meree seet abhishaapit hai. 

Lagabhag 12 bajane ko hain, achchha hoga ki apane steshan par utarane tak toon jaga hee rah, vaise bhee 3-4 ghante mein tera steshan bhee aa hee jaega.” 

Chandoo kuchh samajh nahin saka par chehare par prasannata laate hue us bujurg vyakti ko baay-baay kiya aur phir apanee seet par aakar baith gaya aur us bujurg kee kahee huee baat par anamane man se vichaar karane laga. 

Ab to vaise bhee chandoo kee neend gaayab ho chukee thee aur baar-baar usake dimaag mein ek hee baat kaundh rahee thee ki us bujurg ne aisa kyon kaha ki apana steshan aane tak jaga hee rah. 

Khair ab tren bhee haarn de chukee thee aur dheere-dheere apana speed pakadana shuroo kar dee thee aur isee samay ghanaghor ghata se badee-badee boonden nikalakar tren kee chhat ko bhigona shuroo kar dee theen. 

5 minat bhee nahin bita hoga ki tren bhee apanee pooree speed mein aa gaee aur baarish bhee. Jee haan, halkee hava ke saath joradaar, gharragharaahat ke saath baarish jisase halkee hava bhee saany-saany karane lagee thee.

Chandoo ke aas-paas kee seeten lagabhag khaalee hee theen, kyonki usake dabbe mein us bujurg ke siva koee aur tha hee nahin aur ve bujurg bhee chandoo ko thodee dimaag par jor daalanevaalee baat bataakar pichhale steshan par utar chuke the. 

Baakee ke sabhee yaatree to pahale ke hee steshanon par utar chuke the. Khair, chandoo daranevaalon mein se nahin tha. 

Usane socha ki lagabhag bhinasahare 3-4 baje tak usaka steshan aa hee jaega to kyon nahin jagakar hee yah samay kaat liya jae. 

Usane bujarg ke utarane ke samay jalaee huee battiyon ko vaise hee jalane diya tha par ab maatr ek battee ko chhodakar baakee battiyon ko bujha diya tatha seet par aise leta ki usaka munh saamane kee seet kee or ho aur aankhen bandakar kuchh gunagunaane kee koshish karane laga.

Tren apane priyatam se milane ko aatur kisee madamast navayauvana kee tarah baarish kee paravaah na karate hue, sarasaraate hue, tej gati se lohe kee patariyon ko berahamee se kuchalate hue daudee chalee ja rahee thee. 

Achaanak tej bijalee kaundhee aur dibbe kee khidakee mein lage kaanch ko paar karate hue dibbe mein kuchh pal ke lie oonjiyaar kar raphoochakkar ho gaee. 

Tabhee achaanak hadabadaakar chandoo uthakar apanee seet par baith gaya. Use aisa laga ki koee vyakti tej kadamon se us dabbe mein aaya ho. 

Are yah kya, vah kuchh samajhe usase pahale hee ek navayuvatee ek ataichee lie dhadaam se aakar usake saamane vaalee seet par baith gaee. 

Mand prakaash mein vah bahut hee khoobasoorat lag rahee thee par saath hee vah pooree tarah se bheengee huee thee aur usake baalon kee laton se paanee bhee tapak raha tha. 

Chandoo kuchh samajhe, kuchh bole usase pahale hee us navayauvana ne apanee ataichee kholee aur usamen se taulie ko nikaalakar apane sar ko ponchhane lagee. 

Apane baalon mein taulie ko phiraate hue mand prakaash mein usaka gulaabee chehara aur bhee khoobasoorat lag raha tha. 

Chandoo thoda sakapaka gaya jab use us bujurg kee baat yaad aaee aur saath hee usake dimaag mein yah bhee baat kaundhee kee achaanak itanee tej baarish mein, itanee tej raphtaar se daudatee tren mein yah bala (baala) chadhee kaise? 

Vah bahut hee ghabara gaya kyonki tren to rookee thee nahin phir yah yuvatee yahaan kaise? 

Achaanak usake dimaag se aavaaj aaee ki ho sakata hai ki pichhale steshan par doosare dibbe mein chadh gaee ho aur ab yahaan pahunchee ho par phir ek shanka utpann huee, agar kisee pichhale dabbe mein chadhee bhee ho to baarish to tren ke chalane ke saath shuroo huee thee to yah bheegee kaise? 

Aur yah bheegee bhee is tarah se hai jaise abhee-abhee isee barasaat mein bheengakar aaee ho. 

Chandoo ka dimaag ab kaam karana band kar diya tha aur usaka poora shareer paseene se nahaana shuroo kar diya tha. 

Paseene kee kuchh boonden to usake lalaat par apana ghar bhee bana lee theen. Vah gumasum man se, dare-sahame, bina kuchh bole apanee seet par jadavat bana raha.

5 minat tak kee chuppee ke baad achaanak us navayuvatee ne muskuraate hue haath milaane ke andaaj mein apana haath chandoo kee taraph badhaaya aur chandoo apana haath badhae isase pahale hee vah navayuvatee bol padee, “mera naam chanda hai aur main apane mausee ke ghar ja rahee hoon.” 

Chandoo bhee hakalaakar bol pada, “main chandoo.” Bas isase adhik vah kuchh bol na saka. Isake baad to vah navayuvatee is tarah se bolana shuroo kar dee jaise koee aisee samaachaar-vaachika ho jise 10 minat mein bina brek ke hajaar samaachaar sunaane hon. 

Chandoo to bas aur bas thook ghonte hue baitha raha aur dare-sahame apane steshan ka besabree se intajaar karata raha. 

Achaanak pata nahin kya hua ki tej choniyaane ke saath hee tren apanee jagah par khadee ho gaee. Shaayad koee bahut hee chhota steshan tha. 

Abhee chandoo kuchh samajhe tabhee us steshan par lage maik us baarish mein ghonghiya uthe. Kisee maradaanee aavaaj mein ghoshana kee ja rahee thee ki takaneekee kharaabee ke chalate gugalee-raadhenagar eksapres abhee aage nahin ja sakatee. 

Is takaneekee kharaabee ko door karane mein ghanton lag sakate hain, astu sabhee yaatree sahayog karen. 

Chandoo ke lie yah ek aur naee museebat thee, ab to usaka dimaag pooree tarah se chakara gaya, kare to kya kare? Khair usane ghadee dekhee, usakee ghadee us samay raat ke 2 baja rahee thee. 

Man ko tasallee diya ki koee baat nahin, 2-3 ghante mein vaise bhee subah ho jaegee. Achaanak usake saamane kee seet par karavaten badalatee vah navayuvatee phir bol padee. 

Lagata hai, koee badee kharaabee ho gaee hai. Khair agar aap chaahen to mere saath neeche utar sakate hain. 

Is steshan ke paas hee mere ek ristedaar rahate hain, hamalog unake ghar par ja sakate hain aur subah-subah phir koee doosaree tren pakadakar apane-apane gantavy kee or ja sakate hain? 

Chandoo kuchh bol na saka par pata nahin kyon us navayuvatee ke peechhe-peechhe apana saamaan lie utar pada.

Tej baarish mein apane tej kadamon se chhap-chhap karatee huee steshan ke baahar jaatee huee vah navayuvatee aur besudh-sa usake peechhe beman se ghaseetakar chalata hua chandoo. 

Lagabhag 5-7 minat chalane ke baad us navayuvatee ne ek ghar ke baahar lagee ghantee bajaee. Daravaaja khula aur vah ghar ke andar tatha peechhe-peechhe chandoo bhee. 

Ghar ke andar sirph aur sirph ek hee aurat thee par chandoo usako bhee theek se dekh nahin paaya tha. 

Khair ghar ke andar pahunchate hee saath aaee navayuvatee chanda ne ek tauliya laakar chandoo ko diya tatha saath hee kuchh achchhe raatrikaaleen, shayanakaaleen mahange pahanaave tatha saath hee haule se muskuraate hue bolee ki aap aaraam se apane kapade badal lo tab tak main chaay banaakar laatee hoon. 

Ab chandoo kuchh sahaj mahasoos kar raha tha par dara hua to abhee bhee tha. Usane dheere se bola ki chaay kee aavashyakata to nahin lag rahee par pata nahin phir kya sochakar bola, achchha, thoda chaay pilava hee deejie.

Lagabhag 10 minat bhee nahin beete honge ki vah navayuvatee (chanda) shayanakaaleen khoobasoorat, maadak poshaak mein bikhare baalon ke saath donon haathon mein chaay kee do pyaalee lie hue maadakataabharee chaal ke saath us kamare mein daakhil huee aur muskuraate hue ek pyaalee chandoo kee taraph badha dee. 

Kampakampaate haathon ko sambhaalate hue apane daen haath ko badhaakar chandoo ne kaise bhee pyaalee le lee aur use aahiste se honth se lagaakar chaay kee chuskee lene kee koshish karane laga. Abhee chandoo chaay kee pyaalee ko pooree tarah se khatm bhee nahin kiya tha ki use ek bahut hee ajeeb va bhayaanak cheej dekhane ko milee. 

Vah jis kamare mein tha usamen ek bada-sa darpan laga hua tha. Achaanak jab usakee najar us darpan par padee to kya dekhata hai ki us darpan mein use ek ati bhayaanak ek aankhavaalee chudail dikhaee dee, jisake baal pooree tarah se bikhare hue aur chehara bahut hee vibhats tha. 

Vah to pooree tarah se ghabada gaya kyonki usake paas baithakar chaay kee chuskee lenevaalee chanda to bahut hee mohak thee, aakarshak thee, khoobasoorat thee aur un donon ke siva to us kamare mein koee tha bhee nahin. 

Phir kya, usane hanumaanajee ka naam lete hue apane ko sambhaala aur chaay ko khatm karake pyaalee chanda kee or badha diya. 

Chanda ne apanee pyaalee pahale hee khaalee kar dee thee, phir vah haule se uthee aur un donon pyaaliyon ko lekar ghar ke andar chalee gaee. 

Usake jaate hee chandoo ne phir us darpan kee or dekha par ab us darpan se us bhootanee ka chehara gaayab tha. 

Ab to chandoo ko us bujurg kee baat phir se yaad aa gaee aur vah samajh gaya ki vah bujurg kya kahana chaahata tha. 

Khair ab chandoo dheeraj aur vivek se kaam lena shuroo kar diya tha. Ab usane bina der kie apanee ataichee se tulasee kee maala nikaalakar gale mein pahan liya tatha saath hee durga saptashatee kee pustak bhee nikaalakar apane sirahaane rakh liya.

Are yah kya, pyaalee rakhane ke baad jab chanda aaee to thoda sahamakar chandoo ke paas na baithakar thoda door hee khadee rahee aur kaatar drshti se chandoo kee taraph dekhate hue usase vah maala nikaalakar door phenkane ka ishaara kee. 

Par chandoo ab pooree tarah sajag ho gaya tha. Usane aisa nahin kiya aur sirahaane rakhe durga saptashatee ko bhee haath mein utha liya. 

Durga saptashatee ko haath mein uthaate hee sundar, aakarshan, maasoom see laganevaalee aur meethee muskaan vaalee chanda ka chehara achaanak kathor hone laga aur dekhate hee dekhate vah pooree tarah se bhayaanak lagane lagee. 

Usake baal pooree tarah se khule hue hava mein laharaane lage aur garajane lagee tatha saath hee attahaas karane lagee. 

Vah chillaane lagee ki toon bachakar nahin ja sakata aur main tera ant kar doongee par ab chandoo bhee apane ko majaboot karate hue kuchh mantron ka uchchaaran karate tatha durga shaptashatee ko haath mein kas ke dabae us kamare se baahar nikalane laga, udhar vah chanda apane maayaajaal mein chandoo ko ulajhaane ka poora prayatn karate hue usake peechhe-peechhe baahar aa gaee. 

Par vah chaahakar bhee chandoo ka kuchh bigaad nahin pa rahee thee aur chandoo par usake bhayaanak, kroor roop-rang-attahaas ka bhee koee asar hota nahin dikh raha tha. 

Abhee chandoo us ghar se nikalakar tejee se kuchh hee door badha tha ki achaanak vah bastee pata nahin kahaan gaayab ho gaee aur saath hee vah chanda (chudail) bhee. 

Are yah to bhayaanak jangal tha, daraavana-ghana jangal. Ab to chandoo pooree tarah se phans chuka tha kyonki use baahar nikalane ka koee maarg nahin soojh raha tha. 

Abhee chandoo kuchh aur dimaag daudae tabhee usake kaanon mein kisee bujurg kee aavaaj sunaee dee, “beta! Toon theek to hai?” Yah aavaaj sunate hee chandoo peechhe mudakar dekha to ek sant jaise bujurg use dikhaee die jo chalate hue usakee or hee aa rahe the. 

Chandoo phir dar gaya, kyonki use laga ki kaheen yah bhee chanda ka maayaajaal to nahin par pata nahin kyon us sajjan ke paas aate hee chandoo ka dar raphoochakkar ho gaya aur vah pooree tarah se sahaj mahasoos karane laga. 

Phir kya tha, vah sajjan kisee ghatana kee jikr karate hue aage-aage aur unakee baaton ko tanmayata se sunate hue chandoo unake peechhe-peechhe chal pada.

Darasal us sajjan ne chandoo ko bataaya ki ve paas kee hee bastee mein rahate hain aur chanda unakee hee bachchee hai, jisako mare 5 saal ho chuke hain. 

Unhonne aage bhee udaas man se kahana jaaree rakha ki chanda us samay 17 saal kee thee jab isee tren se aa rahee thee. Usake saath 2-3 yuva bhee the. 

Jab tren is jangal se hokar gujarane ko huee to un laphangon ne tren kee chainapoling karake jabarajastee chanda ko lekar isee jangal mein aa gae the. 

Phir apanee havas mitaane ke baad chanda ka katl kar die the. Tabhee se chanda marakar bhee jeevit hai aur is tren se aane vaale us seet par baithe (jisapar toon baitha tha) kisee bhee yuva ko bahalaakar, apane maayaajaal mein ulajhaakar yahaan utaar letee hai aur phir usako maar detee hai. 

Us sajjan ne yah bhee bataaya ki darasal tren jahaan rookee thee vahaan na koee chhota steshan hai aur na hee koee ghoshana hee hotee hai par raat ke samay us seet par baithe kisee bhee yuva ko vah chhota steshan dikhaee deta hai aur saath hee tren ke vahaan rookate hee ghoshana bhee sunaee detee hai, yah saara kaam chanda dvaara kiya jaata hai.

Khair us sajjan ne yah bhee bataaya ki agale maheene ve gaya jaakar kuchh anushthaan karana chaahate hain, pindadaan karana chaahate hain taaki chanda kee bhatakatee aatma shaant ho jae aur kisee nirdosh ka ahit na kare. 

Unhonne yah bhee bataaya ki ve apane gaanv-ghar mein usakee aatma kee shaanti ke kaee anushthaan kar chuke hain par vah shaant hone ka naam nahin le rahee hai, isalie ve gaya jaakar pindadaan karana chaahate hain. 

Khair chandoo to bach gaya par un dusht aataataiyon ke kukarmon ne kitane hee maasoomon kee bali chadhava dee thee. 

Sahee karen, satkarm karen. Kuchh bhee aisa na karen jisase aap ko ya samaaj ko kisee bhee prakaar kee kisee vipatti ka saamana karana pade.

Pretanee Ka Maayaajaal Chudail Bhoot Ki Kahani In Hindi Phantom Tale. Bhoot Chudail Photo, Bhutiya Kahani, Bhoot Video, Bhoot Cartoon, Bhootni Chudail, Bhoot Bhoot, Story, Chudel Maa.